මේ අහස යට

සියලුම රාජ්‍ය අංශ සේවකයන්ගේ මාසික ජීවන වියදම් දීමනාව රුපියල් 600 කින් ඉහළ දැමීමට යෝජනා කරන බව ජනපති මහින්ද රාජපක්‍ෂ මහතා 2011 අයවැය පාර්ලිමේන්තුවට ඉදිරිපත් කරමින් ඊයේ (22 දා) පස්‌වරුවේ ප්‍රකාශ කළේය.

එමෙන්ම 2011 ජනවාරි මාසයේ සිට ආරක්‍ෂක අංශ ඇතුළු සියලුම රජයේ සේවකයන්ට මූලික වැටුපෙන් 5% ක දීමනාවක්‌ද ලබා දීමට යෝජනා කර ඇත. විශ්‍රාමිකයන් සඳහා ගෙවන ජීවන වියදම් දීමනාව රු. 300 කින් වැඩි කිරීමට යෝජනා කර ඇත. රණවිරු පවුල්වල උපදින තුන්වන දරුවා වෙනුවෙන් ලක්‍ෂයක දීමනාවක්‌ ලබාදීමට මෙවර අයවැයෙන් යෝජනා කර ඇත.

රජයේ රෝහල්, ආගමික ස්‌ථාන, විශ්වවිද්‍යාල සඳහා අයකරන විදුලිබල ගාස්‌තුව 25% කින් අඩුකර ඇත.

ආබාධිත රණවිරුවන්ගේ පවුල්වල ආර්ථික දුෂ්කරතා විසඳීමට මිලියන 300 ක්‌ වෙන්කර ඇත.

සාමාන්‍ය පාරිභෝගිකයන් සඳහා විදුලි ගාස්‌තුව 8% කින් වැඩි කිරීමටද යෝජනා කර ඇත.

මත්පැන්, සිගරැට්‌ සහ කැසිනෝ සඳහා බද්ද 35% සිට 40% දක්‌වා වැඩි කර ඇත.

පරිගණක මෘදුකාංග සඳහා පනවා තිබූ වැට්‌ හා ජාතිය ගොඩනැඟීමේ බදු ඉවත් කර ඇත.

මගී ප්‍රවාහන බස්‌රථ සඳහා පනවා තිබූ ආනයන බද්ද 25% කින් අඩු කිරීමට ද ජනපති මහින්ද රාජපක්‍ෂ මහතා මේ අයවැයෙන් යෝජනා කර ඇත.


සෙසු යෝජනා මෙසේය.

* ජාතිය ගොඩනැඟීමේ බද්ද 3% - 2% දක්‌වා අඩු කර ඇත.

* 2011 වසරේදී උපාධිධාරීන් 10000 කට රැකියා අවස්‌ථා ලබාදීමට යෝජනා කර ඇත.


* රාජ්‍ය බැංකු හා මූල්‍ය ආයතනවලට පුහුණුවන්නන් ලෙස උපාධිධාරීන් 1500 ක්‌ බඳවා ගැනේ.

* ආරක්‍ෂක අමාත්‍යංශය යටතේ ඇති රෝහල් සඳහා හෙදියන් ලෙස 1500 ක්‌ බඳවා ගැනේ.

* මතට තිත ග්‍රාමීය මට්‌ටමින් ව්‍යාප්ත කිරීමට මිලියන 200 ක්‌ වෙන් කෙරේ.

* ඖෂධ ආනයනයේදී ගුවන්තොටුපළ හා වරාය බද්දෙන් නිදහස්‌.

* වෛද්‍ය රසායනාගාර උපකරණ ගෙන්වීමේදී තීරු බදු හා වැට්‌ බද්දෙන් නිදහස්‌ කිරීම.

* පෞද්ගලික අංශයේ සේවකයන් සඳහා විශ්‍රාම වැටුප් ක්‍රමයක්‌ හඳුන්වා දේ.

* විදේශ සේවයේ නියුක්‌තිකයන් සඳහා විශ්‍රාම වැටුප් ක්‍රමයක්‌.

* ග්‍රාමීය, නාගරික මුඩුක්‌කු පැල්පත්වාසීන් වෙනුවෙන් නව නිවසක්‌ තනා ගැනීම සඳහා රු. 70,000 ක දීමනාවක්‌

* වසර හතළිහකට පෙර ගොඩනැඟූ මාලිගාවත්ත ටර්පන්ටයින් නිවාස ක්‍රමය ප්‍රතිසංස්‌කරණයට

* මාධ්‍යවේදීන්ට අවශ්‍ය කැමරා, පරිගණක හා වෙනත් උපකරණ වෙනුවෙන් රුපියල් මිලියන 50 ක්‌ වෙන් කෙරේ.

* ගැබිනි මව්වරුන්ට ත්‍රිපෝෂ සඳහා මිලියන 1500 දක්‌වා වැඩි කෙරේ.

අයවැය හිඟය

2011 වසරේ අයවැය හිඟය පහත පරිදිය.

මුළු ආදායම - රුපියල් බිලියන 986.1

මුළු වියදම - රුපියල් බිලියන 1419.9

අයවැය හිඟය රුපියල් බිලියන (433.8)

දිවයිනෙන්